Sumqayıt prıxodu kilsəsinin təsis edilməsinin 20 illiyini qeyd edib

Pasxa bayramı günlərində Sumqayıt şəhərində yerləşən Müqəddəs Sarovlu Serafim prıxodunda prixod kilsəsinin təsis edilməsinin 20 illiyi münasibətilə təntənəli mərasimlər keçirilib. Müqəddəs Sarovlu Serafim kilsəsi Bakı və Xəzəryanı yepiskopu Aleksandrın (İşein) xeyir-duası ilə yaradılmış və 2 aprel 2006-cı ildə təqdis olunmuşdur.

Sumqayıt kilsəsində keçirilən bayram İlahi Liturgiyasına Bakı və Azərbaycan yepiskopu Aleksiy başçılıq edib. Arxiyereyi Bakı yeparxiyasının ən yaşlı ruhanisi, Müqəddəs Mürr-Daşıyan Zənənlər kafedral kilsəsinin fəxri baş keşişi protoiyerey Leonid Mılıx, Bakı yeparxiya idarəsinin katibi protoiyerey Dionisiy Sveçnikov, Sumqayıt prıxodunun baş keşişi Rostislav Şahvələdov və protodiakon Vadim Tokarev müşayiət ediblər. Liturgiyanın nəğmələrini Nelli İsrafilovanın rəhbərliyi altında kafedral kilsənin xor ifaçıları səsləndirib.

Kilsədə Sumqayıtın pravoslav sakinləri və bayram münasibətilə Bakıdan gəlmiş çoxsaylı zəvvarlar dua ediblər. Liturgiyanın sonunda yepiskop Aleksiy bütün toplaşanları bayram münasibətilə təbrik edərək prıxoda rifah arzulayıb. Zəvvarlar xüsusi olaraq Sumqayıt kilsəsi üçün hazırlanmış, ağac üzərində oyma ilə işlənmiş Müqəddəs Ali-Mələk Mikayıl ikonasını, eləcə də Xilaskar və Allahın Validəsi analoy ikonalarını kilsəyə hədiyyə etdilər.

Sumqayıt prixodunu təbrik etmək üçün bayram tədbirinə Qafqaz Müsəlmanları İdarəsinin Sumqayıt şəhəri üzrə səlahiyyətli nümayəndəsi Hacı Rauf Sərdarov, Sumqayıt Şəhər İcra Hakimiyyətinin ictimai-siyasi və humanitar məsələlər şöbəsinin müdiri Fərman Kazımov və Azərbaycan Respublikasının Dini Qurumlarla İş üzrə Dövlət Komitəsinin Sumqayıt bölməsinin rəhbəri Yalçın Abdullayev, Sumqayıt şəhərinin molokan və protestant icmalarının nümayəndələri iştirak etdilər.

Bayram xatirəsi olaraq kilsənin ətraf ərazisində ağaclar və qızılgüllər əkilib.