Beynəlxalq Muğam Mərkəzində uşaqlar üçün Pasxa bayramı keçirilib

Pasxa həftəsi günlərində  Beynəlxalq Muğam Mərkəzinin konsert zalında Bakı yeparxiyası tərəfindən uşaqlar üçün “Pasxanı sevinclə qarşılayırıq” adlı bayram tədbiri təşkil olunub. Bayramın bədii quruluşu və yeparxiyanın “Oğlanlar və qızlar” uşaq teatrının “Xilas” adlı tamaşası Bakı şəhəri, Allahın Əqdəs Validəsinin Mövludu kilsəsinin bazar günü məktəbinin müəllimi Larisa Kərimova tərəfindən hazırlanıb.

Bayram şeirləri və nəğmələri ilə tamaşaçılar qarşısında Bakı şəhəri Müqəddəs Mürr-Daşıyan Zənənlər kafedral kilsəsinin  bazar günü məktəbinin şagirdləri (müəllim Nelli İsrafilovanın rəhbərliyi ilə), Ali-Mələk Mikayıl kilsəsinin bazar günü məktəbinin şagirdləri (müəllim Kristina Əfəndiyevanın rəhbərliyi ilə) və Allahın Əqdəs Validəsinin Mövludu kilsəsinin bazar günü məktəbinin şagirdləri (müəllim Larisa Kərimovanın rəhbərliyi ilə) çıxış ediblər.

Tamaşaçılar və bazar məktəblərinin “biliciləri” bayram viktorinasında  iştirak edərək Məsihin Dirilməsi ilə bağlı İncil hadisələri barədə bilikləri ilə sevindiriblər. Tədbirdə həmçinin Elen Nağıyevanın rəhbərlik etdiyi rəqs kollektivi iştirak edib.
Muğam Mərkəzinin zalında toplaşanlara Pasxa bayramı münasibətilə təbrik nitqi ilə Bakı və Azərbaycan yepiskopu Aleksiy müraciət edib. Aleksiy həzrətləri sevinc dolu Pasxa günlərində tamaşaçılara bayram əhval-ruhiyyəsi bəxş edən gənc iştirakçılara təşəkkürünü bildirib.