Bakı Rus Evində S. V. Raxmaninovun 150 illik yubileyi münasibətilə konsert keçirilib

Bakı Rus Evində dahi rus bəstəkarı, pianoçu və dirijor S. V. Raxmaninovun 150 illik yubileyi münasibətilə konsert keçirilib. Bakı Rus Evi və Üzeyir Hacıbəyli adına Bakı Musiqi Akademiyasının birgə təşkil etdiyi musiqili gecə dahi bəstəkarın yubileyinə həsr olunmuş silsilə tədbirlərin yekun layihəsi oldu.

Layihənin aparıcısı və kuratoru, sənətşünaslıq üzrə fəlsəfə doktoru, BMA-nın baş müəllimi Alena İnyakina tədbir iştirakçılarına Sergey Raxmaninovun yaradıcılığının ruhani və dünyəvi aspektləri ilə bağlı bəstəkarın həyatının mühüm mərhələlərindən danışıb.

Konsert proqramında beynəlxalq müsabiqələr laureatları, BMA-nın professoru Konyul Hüseynovanın, Azərbaycanın əməkdar artisti Nigar Məlikovanın, Azərbaycan Dövlət Akademik Opera və Balet Teatrının solisti Nəriman Əliyevin, Azərbaycan Dövlət Akademik Musiqili Teatrının solistləri Yuliya Heydərova və Firuz Məmmədovun . Heydərova və Firuz Məmmədovun, Azərbaycan Dövlət xor kollektivinin artistləri Kamilla İmanova və Elyar Əliyevin, beynəlxalq müsabiqələr laureatı Emil Malıqinin, BMA-nın baş müəllimi Lalə Muxtarovanın, BMA-nın konsertmeysteri Dilyarə Kərimovanın, Bakı şəhəri Ali-Mələk Mikayıl kilsəsinin xor kollektivinin solisti İnarə Əzimova və konsertmeyster Larisa Zairbekovanın ifasında görkəmli klassikin əsərləri səsləndirilib.

Konsert Rusiya musiqisi dahisinin ruhani və dünyəvi əsərlərini ifa etmiş Birləşmiş Xor Hərəkatının əməkdar xadimi Kristina Əfəndiyevanın rəhbərliyi altında Bakı şəhəri Ali-Mələk Mikayıl kilsəsi xorunun çıxışı ilə başa çatdı.