Azərbaycanın ənənəvi dinlərinin rəhbərləri Pontifik Mədəniyyət Şurasının sədri ilə görüşüblər

Roma Papası Fransiskin dəvəti ilə Vatikanda rəsmi səfərdə olan Azərbaycanın ənənəvi dinlərinin başçıları Roma Papasının mədəniyyət üzrə Pontifik Şurasının sədri kardinal Canfranko Ravazi ilə görüşüblər. Prelat öz məqsədləri ilə dinlərarası dialoq, mədəniyyətlərarası dialoq və Əbu-Dabidə imzalanmış sənəddə qeyd olunan xalqlar arasında qardaşlıq mövzusunun inkişafı olan bu səfərin üç əsas səbəbini qeyd etdi. Kardinal Ravazi Heydər Əliyev Fondunun maliyyələşdirdiyi və Müqəddəs Taxt-Tacın protektoratı altında yerləşən əhəmiyyətli xristian abidələrinin nadir və mürəkkəb bərpa işlərinin həyata keçirildiyi birgə humanitar layihələr üzrə Vatikan ilə Azərbaycan arasında razılaşmalar barədə də yüksək qonaqlara ətraflı məlumat verdi. Nümayəndə heyətinin başçısı Şeyxülislam A. Paşazadə isə Azərbaycanla Vatikan arasında uzun illər davam edən qarşılıqlı münasibətlərdən məmnunluğunu ifadə etmiş və birgə layihələr kimi bu münasibətlərin gələcəkdə də davam etdirilməsini arzulamışdır.