Azərbaycan dini liderlərinin Vatikana səfərinin yekunlarına dair mətbuat konfransı keçirilib

Romada Roma Papası Fransiskin dəvəti ilə yanvarın 12-dən 17-dək Azərbaycan dini liderlərinin Vatikana səfərinin yekunlarına dair mətbuat konfransı keçirilib.

Konfransda Azərbaycan nümayəndə heyətinin üzvləri, Vatikan və İtaliya KİV-lərinin jurnalistləri iştirak ediblər. Azərbaycanın Fransadakı və Müqəddəs Taxt-Tacdakı səfiri Rəhman Mustafayev giriş sözündə jurnalistlərə səfərin proqramı və onun çərçivəsində baş tutmuş görüşlər, həmçinin iki dövlət arasında sazişlər çərçivəsində həyata keçirilən birgə layihələr barədə ətraflı məlumat verib.

Nümayəndə heyətinin başçısı Şeyxülislam Allahşükür Paşazadə isə 2014-cü ildə ölkəmizə səfəri zamanı Papa Fransisk tərəfindən qeyd olunan Azərbaycanda tolerantlığın yüksək səviyyəsi, həmçinin mədəniyyətlərarası və dinlərarası dialoq barədə məlumat verdi. Və indi, qəbul zamanı, Vatikanın dövlət başçısı azad edilmiş ərazilərdə vəziyyəti ilə maraqlanıb. Qafqaz Müsəlmanları İdarəsinin (QMİ) sədri Şeyxülislam Papa siyasi, humanitar və mədəni aspektlərdə aktual vəziyyət barədə məlumat verib və vurğulayıb ki, Azərbaycan Prezidenti cənab İlham Əliyev azad edilmiş torpaqlarda bütün mədəniyyət, tarix və din abidələrinin bərpa ediləcəyinə, həmçinin dinc həyatın normallaşması üçün hər cür şərait yaradılacağına söz verib. Qafqaz Müsəlmanları İdarəsinin sədri Rus Pravoslav Kilsəsinin və şəxsən Müqəddəs Patriarxın dinlərarası dialoqun qurulmasında və vəziyyətin sakitləşməsində ənənəvi olaraq hansı rolu oynadığından danışmışdır.

Həmçinin, Bakı və Azərbaycan Yeparxiyasının katibi arximandrit Aleksiy (Nikonorov) və Azərbaycan katolik kilsəsinin Apostol prefekti, yepiskop Vladimir Fekete jurnalistlər qarşısında çıxış ediblər.