Azərbaycanın dini icmaları rəhbərlərinin və nümayəndələrinin nümayəndə heyəti Vaşinqtonda və Nyu-Yorkda işgüzar səfər edib

26 iyun - 02 iyul Azərbaycanın dini icmaları rəhbərlərinin və nümayəndələrinin nümayəndə heyəti Vaşinqtonda və Nyu-Yorkda (ABŞ) işgüzar səfərdə olub. Nümayəndə heyətini Azərbaycan Respublikasının Dini Qurumlarla İş Üzrə Dövlət Komitəsi sədrinin müavini S. Heydərov başçılıq etdi.

Bakı yeparxiyasını Yeparxiya Şurasının katibi protoierey Mefodiy Əfəndiyev təmsil edirdi. Səfər çərçivəsində ABŞ-ın beynəlxalq dini azadlığın öyrənilməsi üzrə Komissiyasının rəhbərləri, ABŞ Dövlət Departamentinin beynəlxalq dini azadlıq üzrə ofisinin direktor müavini, Amerika yəhudiləri təşkilatlarının nümayəndələri, eləcə də bir sıra rəsmi şəxslər və din xadimləri ilə görüşlər keçirilib.

Söhbət zamanı dini azadlıqların təmin edilməsi və dindarların hüquqlarının qorunması ilə bağlı məsələlərə toxunuldu.

Rəsmi proqram çərçivəsində Azərbaycan nümayəndə heyəti Holokost Memorial Muzeyini, Türkiyə Dini İşlər Nazirliyinin nümayəndəliyini, Müqəddəs Kitab Muzeyini və Nyu-Yorkda Türk Mədəniyyət Evini ziyarət etmişdir.