Azərbaycan İlahiyyat İnstitutunda ilk buraxılış keçirildi

Azərbaycan İlahiyyat İnstitutu cənab Prezident İlham Əliyevin 9 fevral 2018-ci il tarixli Fərmanı ilə yaradılıb və Dini Qurumlarla İş Üzrə Dövlət Komitəsinin himayəsi ilə fəaliyyət göstərir. İnstitut Azərbaycan xalqının tarixi ənənələrinə və Azərbaycanın dövlət siyasətinə əsaslanan cəmiyyətdə dini tolerantlığın və multikulturalizmin yüksək səviyyəsinin qorunub saxlanılması və inkişaf etdirilməsi istiqamətində iş aparır. İnstitut dini fəaliyyətin təşkili sahəsində ixtisaslı mütəxəssislər hazırlayır. 

İlk tələbə yığımı 2018-ci ildə həyata keçirilib, cari ildə isə ilk buraxılış keçirilib. Təntənəli tədbirdə-Buraxılış günündə Bakı Yeparxiyasının mətbuat katibi protoierey Konstantin Pominov iştirak etmişdir.