Bakı Yeparxiyasının ictimai təşkilatlarla iş üzrə şöbəsinin rəhbəri "Ekstremizm və terrorizmin qarşısının alınmasında dini təhsilin rolu: Müstəqil Dövlətlər Birliyinin təcrübəsi" dəyirmi masada iştirak edib

Rusiya Federasiyasının İctimai Palatasında "ekstremizm və terrorizmin qarşısının alınmasında dini təhsilin rolu: Müstəqil Dövlətlər Birliyinin təcrübəsi" mövzusunda dəyirmi masa keçirilmişdir.

Tədbirin təşkilatçıları Rusiya Federasiyası İctimai Palatasının millətlərarası və dinlərarası münasibətlərin harmonizasiyası üzrə Komissiyası, Rusiya müsəlmanlarının mənəvi Məclisi, Rusiya Dini Azadlığın Qorunması üzrə Assosiasiyası və kilsənin cəmiyyət və KİV-lə qarşılıqlı münasibətləri üzrə Sinodun şöbəsi idi.

Dəyirmi masa çərçivəsində cəmiyyətdə sülhün və sabitliyin möhkəmləndirilməsi, dinlərarası dialoq, yalançı dini radikal baxışların yayılması ilə bağlı mənfi halların meydana gəlməsinin profilaktikası və s. ilə bağlı bir sıra məsələlər müzakirə olunub.

Dəyirmi masanın işində MDB ölkələrinin Rusiyada ənənəvi dinlərin, dövlət orqanlarının, elmi ictimaiyyətin, diplomatik strukturlarının nümayəndələri, dini təhsil sahəsində ekspertlər, dinlərarası və beynəlxalq münasibətlər məsələləri üzrə ekspertlər iştirak etmişlər.

Tədbirdə Bakı və Azərbaycan yeparxiyasının idarə başçısı vəzifəsini müvəqqəti icra edən arxiyepiskop Feofilakt Həzrətlərinin xeyir-duası ilə Bakı Yeparxiyasının ictimai təşkilatlarla iş üzrə şöbəsinin rəhbəri protoierey Mefodiy Əfəndiyev iştirak etmişdir.