Azərbaycanın pravoslav xristianları yeparxiya bayramını - Həvari Bartalmayın mübarək cisminin qalıqlarının gətirilməsini​ qeyd ediblər

Məsihin on iki şagirdindən biri olan müqəddəs Həvari Bartalmay​ qədim zamanlardan Cənubi Qafqazın hamisi sayılır. Kilsə rəvayətinin​ bir versiyasına görə, o, indiki Azərbaycanın tarixi torpaqlarında xristianlığı vəz edib. Hətda​ Bakının mərkəzində, Qız Qalasının ətəyində, XX əsrin​ 30-cu illərinə qədər “ilkin” pravoslav kilsəsinin yerində​ Həvariyə həsr olunmuş bir ibadətgah​ var idi.

2002-ci ildə Roma Papası II İohann Pavel Bakı yeparxiyasına​ Həvari Bartalmayın mübarək qalıqlarını bağışlamışdır. Sonradan həmin qalıqlar Bakının Ali-Mələk Mikayıl kilsə kompleksinin Bartalmay kilsəsində yerləşdirilmişdir.​

2003-cü ildə isə İstanbul (Konstantinopol) Patriarxı Varfolomey (Bartalmay)​ Azərbaycanda səfərdə olarkən mqd. Mürr-Daşıyan Zənənlər kafedral kilsəsinə Həvarinin mübarək​ qalıqlarını özündə daşıyan kiçik sandıqca bağışlamışdır.​

Bakı və Azərbaycan arxiyepiskopu Aleksandrın​ xeyir-duası ilə Həvari Bartalmayın mübarək qalıqlarının​ Bakıya gətirilməsi​ xatirəsinə yeparxiya bayramı təsis edilmişdir.​ ​ Bayram ənənəvi olaraq​ sentyabrın 7-i​ (yaxud sentyabrın ilk bazar günündə) qeyd edilir