Qazaxıstanın paytaxtında Dünya və Ənənəvi Dinlər Liderlərinin VII Qurultayı keçirilib

Qazaxıstanın paytaxtında 60 ölkədən nümayəndə heyətinin iştirak etdiyi Dünya və Ənənəvi Dinlər Liderlərinin VII Qurultayı keçirilib. Qurultayın mövzusu “Pandemiyadan sonrakı dövrdə dünya və ənənəvi konfessiyaların liderlərinin bəşəriyyətin sosial-mənəvi inkişafında rolu” kimi müəyyən edilib. Forumda İslam, Xristianlıq, Yəhudilik, Şintoizm, Buddizm, Zərdüştilik, Hinduizm və digər dinlərin nümayəndələri də daxil olmaqla 100-ə yaxın nümayəndə heyəti iştirak edib. Qonaqlar arasında Roma Papası Fransisk, Misir Əl-Əzhər Universitetinin ali imamı Əhməd Məhəmməd Əhməd ət-Tayib, Yerusəlim​ Patriarxı III Feofil, İsrailin Baş Aşkenazi Ravvini David Lau, İsrailin Baş Sefard Ravvini İsxak İosif​ və digər dini liderlər,​ o cümlədən bir sıra beynəlxalq təşkilatların nümayəndələri var. Azərbaycan nümayəndə heyətinə Qafqaz Müsəlmanları İdarəsinin sədri, eyni zamanda Konqresin təşkilat komitəsinin üzvü Şeyxülislam A.Paşazadə başçılıq edib. Azərbaycan​ nümayəndə heyətinə Bakı yeparxiyasının katibi Arximandrit Aleksiy (Nikonorov) da daxil edilib. Forumda Moskva Patriarxlığını KXƏŞ-nin rəhbəri, Volokolamsk mitropoliti Antoniy təmsil edib. Forum çərçivəsində dörd seksiya iclası təşkil olunub, o cümlədən mənəvi-əxlaqi dəyərlərin möhkəmləndirilməsində dinlərin rolu, dinlərin dinc yanaşı yaşamasının təşviqində maarifləndirmə və dinşünaslıq, xüsusilə olaraq​ dini zəmində yaranan ekstremizm, radikalizm və terrorizmlə mübarizə, və cəmiyyətin rifahına və davamlı inkişafına qadınların töhfəsi.