Bakı şəhərində “Müsəlman mədəniyyətində birgə yaşama təcrübəsi” mövzusunda beynəlxalq simpoziumun açılışı olub

Bakı şəhərində Azərbaycan İlahiyyat İnstitutu, Mənəvi Dəyərlərin Təbliği Fondu, “Kırıkkale” Universitetinin İslam Elmləri Fakültəsi və İslam Ölkələri Araşdırmaları Mərkəzinin təşkilatçılığı ilə “Müsəlman mədəniyyətində birgə yaşama təcrübəsi” mövzusunda beynəlxalq simpoziumun açılışı olub.

Simpoziumun məqsədi İslam mədəniyyəti kontekstində müxtəlif dinlərin nümayəndələrinin birgə həyat şərtlərinin müzakirəsi; müsəlman icmaları arasında oxşar təcrübənin müəyyən istiqamətdə axtarışı və onun təşviqi, eləcə də qorunub saxlanılması və sonrakı nəsillərə ötürülməsi; bu sahədə elmi, ictimai və fərdi tədqiqatların artırılması üçün zəmin yaradılmasıdır.

Beynəlxalq simpoziumun açılışında və işində Bakı Yeparxiyasının Yeparxiya Şurasının katibi, protoiyerey Mefodiy Əfəndiyev iştirak etmişdir.