Pyatiqorsk və Çərkəz arxiyepiskopu Feofilaktın sədrliyi ilə Bakı Yeparxiya Şurasının iclası keçirili

21 sentyabr Bakı və Azərbaycan Yeparxiyasının rəhbəri vəzifəsini icra edən Pyatiqorsk və Çərkəz arxiyepiskopu Feofilaktın sədrliyi ilə Bakı Yeparxiya İdarəsində Yeparxiya Şurasının iclası keçirilib. Yeparxiya idarə və komissiyalarının rəhbərlərinin məruzələri dinlənilmiş, yeparxiya həyatının aktual məsələləri müzakirə edilmişdir. Bakı Yeparxiyasının fəaliyyətinin dəstəklənməsi məqsədilə Azərbaycan Respublikası Prezidenti tərəfindən ayrılan maliyyə yardımı və Bakının Məryəmin Mövludu böyük kilsəsində və Ali Mələk Mikayıl kilsəsində genişmiqyaslı təmir işlərinin başa çatdırılması barədə Yeparxiya idarəsi katibinin və şəhər kilsələri baş keşişlərinin məruzələrini dinlədikdən sonra, Şura qərara aldı ki, ölkənin pravoslav icmasının ehtiyaclarına göstərdiyi diqqətə görə, dini və tarixi abidələrin bərpasına göstərdiyi maddi dəstək və yardıma görə Azərbaycan Respublikası Prezidenti cənab İlham Əliyevə təşəkkür edilsin. Yeparxiya Şurası qeyd edib ki, Prezidentin ehtiyat fondundan ayrılan yardımlar əsasən sosial əhəmiyyətli maarifləndirmə və mədəni layihələrə, multikulturalizm və dinlərarası dialoq ideyalarının təşfiqinə, Azərbaycanın tarixi və mədəniyyətinin öyrənilməsi ilə bağlı işlərə sərf olunur.