Azərbaycanın dini icmaları​ nümayəndələri Şuşa şəhərinə​ səfər ediblər

Səfər Azərbaycan Respublikası Dini Qurumlarla İş üzrə Dövlət Komitəsi tərəfindən təşkil olunmuşdur. Din xadimləri Şuşa şəhəri​ mərkəzi meydanının memarlıq ansamblında əsas mədəni və​ dini mövqe tutan memarlıq nümunələrindən biri olan və Şuşa Dövlət Tarix-Memarlıq Qoruğunun ən qiymətli abidələrindən sayılan Yuxarı​ Gövhər Ağa məscidində olublar. Həmçinin səfər iştirakçıları Şuşanın Qazançı kilsəsini də ziyarət edib, Vətən uğrunda canlarından keçmiş əsgərlərin xatirəsini ehtiramla yad etmişlər. Qonaqlara Azərbaycanın mədəniyyət paytaxtının bərpası, buradakı dini tikililərin tarixi, aparılan təmir-bərpa işləri barədə məlumat verilib. Şəhərlə tanışlıq Cıdır-Düzü​ və Molla Pənah Vaqifin məqbərəsinə ziyarət ilə başa çatıb.​

Səfərdə​ Bakı və Azərbaycan Yeparxiyasını yeparxiya​ idarəsinin dəftərxana rəhbəri​ Mixail Klimov təmsil edib.