Bakıda birinci Qarabağ müharibəsi qəhrəmanlarının xatirəsi ehtiramla yad edilib

Birinci Qarabağ Müharibəsi zamanı Vətən uğrunda canlarından keçmiş Azərbaycanın Milli Qəhrəmanı Yuri Kovalyov və döyüş yoldaşı Sergey Barıninin vəfatının 31-ci ildönümüdür. Yuriy Kovalev və Sergey Barınin 1991-ci il oktyabrın 3-də eyni döyüşdə həlak olublar. Həmin gün onlar, Xocavənddən döyüş tapşırığından maşınla qayıdarkən, OMON-çu dostları Andrey Kudenin və Aleksandr Abramovla birlikdə pusquya düşüblər. Azərbaycan Respublikası Prezidentinin 5 iyun 1992-ci il tarixli Fərmanı ilə Yuriy Kovalyov ölümündən sonra Milli Qəhrəman adına layiq görülüb.

Şəhidlər xiyabanında keçirilən matəm tədbirində Azərbaycan Rus İcmasının sədri, Milli Məclisin deputatı M. Zabelin, Bakı şəhəri Nizami Rayonu İcra Hakimiyyətinin başçısı C. Cəbrayılov, "Rossotrudniçestvo"-nun Azərbaycandakı nümayəndəliyin başçısı İ. Zinnurov, Yuri Kovalyovun qohumları, yaxınları və döyüş yoldaşları iştirak edib. Bakının Alimələk Mikayıl kilsəsinin baş keşişi, protoiyerey Mefodiy Əfəndiyev Azərbaycan xalqının iki sadiq oğlunun dəfn olunduğu yerləri - Şəhidlər xiyabanını və Qaladakı pravoslav qəbiristanlığını ziyarət edərək mərhumlar üçün dua (litiya) mərasimi keçirib.