Azərbaycanda Türk Dövlətləri Təşkilatına üzv olan dövlətlərin Müsəlman Din Xadimləri Şurasının III Toplantısı keçirilib

Mənəvi birlik devizi altında keçirilən tədbirlərdə Türk Dövlətləri Təşkilatının baş katibi B.K.Amreyev, Qafqaz Müsəlmanları İdarəsinin sədri Şeyxülislam A.Paşazadə, Türkiyə Diyanət İşləri İdarəsinin rəhbəri Əli Erbaş, Özbəkistan, Qazaxıstan, Qırğızıstan və Türkmənistanın ali müftiləri iştirak ediblər. Bənzər forumlar əvvəllər İstanbul və Türküstanda da keçirilib. Azərbaycanın mədəniyyət paytaxtı olan Şuşa şəhərində Birgə Bəyannamə imzalanıb. Oktyabrın 21-də Bakının "Gülüstan" sarayında Türk Dövlətləri Təşkilatına üzv olan müsəlman dini liderlərinin və ilahiyyatçıların iştirakı ilə “Türk-İslam irsinin zənginliyi və dövrümüzün aktual problemləri qarşısında dəyəri” mövzusunda beynəlxalq elmi-praktiki konfrans keçirilmişdir. Konfransda Bakı və Azərbaycan yeparxiyasının katibi Arximandrit Aleksi (Nikonorov) iştirak etmişdir.