Yunanıstanın Azərbaycandakı səfiri Müqəddəs Mürr-Daşıyan Zənənlər kafedral kilsəsinə​ ikonalar hədiyyə edib

Ölkəmizdə diplomatik fəaliyyətini başa vuran Yunanıstanın Azərbaycandakı Fövqəladə və Səlahiyyətli Səfiri cənab​ Nikolaos Piperiqos Müqəddəs Mürr-Daşıyan Zənənlər kafedral kilsəsini ziyarət edib​ və kilsəyə​ müqəddəs​ Rus İohann​ və Eginalı Nektariosun​ ikonalarını hədiyyə kimi təqdim​ edib.

Kafedralda ali qonağı​ Bakı yeparxiyasının İnformasiya Departamentinin rəhbəri, protoiyerey Dionisiy​ Sveçnikov qarşılayıb. Göstərdiyi diqqətə və qiymətli hədiyyəyə görə səfirə təşəkkür edən ata Dionisiy cənab Piperiqosa​ yeni təyinat yerində​ uğurlar arzulayıb. Qonaq Bakı yeparxiyasının dini-mədəni mərkəzinin yeparxiya muzeyi ekspozisiyası və kitabxanası​ ilə də tanış olub.

Həmin gün səfir Piperiqos Bakının​ Ali-Mələk Mikayıl​ kilsəsini ziyarət edərək şəhid Trifon və həvarilərə bərabər Konstantin və Yelenanın ikonalarını hədiyyə edib.