Bazar günü məktəbinin şagirdləri dillərin öyrənilməsində assosiativ və yaradıcı təfəkkürün inkişafı, nitqin təkmilləşdirilməsi üsulları üzrə interaktiv dərsdə iştirak ediblər

Bakıdakı mqd. Ali Mələk Mikayıl kilsəsinin nəznində bazar günü məktəbinin böyük qrupunun şagirdləri dillərin öyrənilməsində assosiativ və yaradıcı təfəkkürün inkişafı, nitqin təkmilləşdirilməsi üsulları üzrə interaktiv dərslərdən birində iştirak ediblər. Dərslər Bakıda “Rus Evi”nin binasında “Xeyirxahlıq Missiyası” beynəlxalq humanitar könüllülər layihəsinin Azərbaycanda həyata keçirilməsi çərçivəsində Rusiyanın 4 şəhərindən olan peşəkar könüllülər, rusşünaslıq müəllimləri tərəfindən keçirilib.  İnteraktiv dərsin sonunda gənc iştirakçılara xatirə hədiyyələri təqdim olunub.
 “Xeyirxahlıq Missiyası ” beynəlxalq humanitar könüllülər layihəsinin Azərbaycanda təşkilatçıları Azərbaycanın Rusdilli Təhsil Müəssisələrinin Müəllimləri Assosiasiyasının dəstəyi ilə Rus Humanitar Missiyası, Könüllülər Mərkəzləri Assosiasiyası və Bakıdakı Rus Evidir.