Bakı və Azərbaycan yeparxiyasının bütün kilsələrində yeparxiya müqəddəsi -şəhid keşiş İohannın xatirəsi qeyd olunub

Keşiş İohann Qançev 1910-1933-cü illərdə Bakıdan Lənkərana qədər Azərbaycanın müxtəlif pravoslav prixodlarında xidmət etmişdir. İmanın Allahsız hakimiyyət tərəfindən təqib edildiyi dövrdə o, saxta ittiham əsasında repressiyaya məruz qaldı,  1937-ci ildə  Qazaxıstana sürgün edildi və orada ona  edam cəzası hökmü verildi.   2000-ci ildə ata İohann Rus Kilsəsinin XX əsrdə verdiyi yeni müqəddəs şəhidi kimi şərəfləndirildi. 
Barışmaz ateizmin tüğyan etdiyi çətin dövrlərdə öz həyatı bahasına əqidəsinə şəhadət verən çoxlu insanlardan yalnız biri olan bu cəsur din xadiminin xatirəsi Azəbaycanda  qorunub saxlanılır.
Ənənəvi olaraq, Bakı yeparxiyasının pravoslav kilsələrində ata İohannın ölümü gününə (2 noyabr) ən yaxın olan  bazar günü onun xatirəsinə təntənəli mərasimlər keçirilir. 
Müqəddəs Mürr-Daşıyan Zənənlər  kafedral kilsəsində keçirilən təntənəli ibadətə yeparxiyanın katibi Arximandrit Aleksiy (Nikonorov) başçılıq edib. Ata İohannın bir zamanlar baş keşişi olduğu paytaxtdakı Məryəm Ananın Mövludu kilsəsində isə  onun şəhid olmasının 85-ci ildönümü ilə bağlı bayram tədbirləri keçirilib.