Bakı və Azərbaycan yeparxiyasının ən qədim kilsəsinin taxt-tac günü - Səmavi Orduların Sərkərdəsi, müqəddəs Ali Mələk Mikayılın və bütün cismsiz səmavi qüvvələrin Bayramı

Bakı şəhərinin Ali Mələk Mikayıl kilsəsində Azərbaycan Respublikasının Prezidenti İlham Əliyevin sərəncamı ilə həyata keçirilən genişmiqyaslı təmir-bərpa işləri başa çatdıqdan sonra ilk dəfə olaraq taxt-tac bayramı keçirilib.  Bayram ibadətinə Bakı yeparxiyasının katibi arximandrit Aleksiy (Nikonorov) başçılıq edib.  Liturgiyada Rusiya Federasiyasının Azərbaycan Respublikasındakı Fövqəladə və Səlahiyyətli Səfiri M. N. Boçarnikov iştirak etmişdir. İbadətin  sonunda xaçla dini yürüş keçirildi və ənənəvi uzun ömür diləkləri  səsləndirildi. Daha sonra  uşaq bazar günü məktəbinin şagirdləri bayrama həsr olunmuş şeirlər və ilahilər ilə mərasim iştirakçılarını  təbrik etdi. Kilsənin baş keşişi, protoiyerey Mefodiy Əfəndiyev tədbirə gələnləri bayram süfrəsinə dəvət etdi.