Pyatiqorsk və Çərkəz arxiyepiskopu Feofilakt Bakı şəhərinin Müqəddəs Mürr-Daşıyan Zənənlər kafedral kilsəsində İlahi Liturgiyaya başçılıq edib

Müqəddəs Əcdadlara həsr edilmiş Rəbbin Günündə, Bakı və Azərbaycan yeparxiyasının rəhbəri vəzifəsini müvəqqəti icra edən Pyatiqorsk və Çərkəz arxiyepiskopu Feofilakt, Bakı şəhərinin Müqəddəs Mürr-Daşıyan Zənənlər kafedral kilsəsində İlahi Liturgiyaya başçılıq edib. Arxiyereyi yeparxiya ruhaniləri müşaiyət edib. İbadətin bəzi hissələri azərbaycan dilində səsləndirilib. Liturgiyanın sonunda Feofilakt həzrətləri dua edənlərə bayram mövzusunda  xütbə ilə müraciət etdi və qarşıdan gələn  Milad və Yeni il bayramları öncəsi xeyir-dua və təbrik sözləri ilə iştirak edənlərə nəsihət verdi. İmanlılara Bakı yeparxiyası tərəfindən nəşr olunmuş 2023-cü il üçün yeparxiya divar təqvimləri hədiyyə olaraq paylanılıb.

Liturgiyada Rusiyanın Azərbaycandakı Fövqəladə və Səlahiyyətli səfiri M.N.Boçarnikov iştirak edib.