Kilsə xeyriyyəçiliyi və sosial xidməti üzrə yeparxiya şöbəsinin rəhbərilə “Güvən Xeyriyyə” ictimai birliyinin rəhbəri Nigar Bayramlı arasında görüş keçirilib

Bakı şəhərinin Ali-Mələk Mikayıl kilsəsinin ərazisində kilsə xeyriyyəçiliyi və sosial xidməti üzrə yeparxiya şöbəsinin rəhbəri, protoiyerey Mefodiy Əfəndiyevlə “Güvən Xeyriyyə” ictimai birliyinin rəhbəri Nigar Bayramlı arasında görüş keçirilib.

Qonaq Bakı yeparxiyasının ən qədim kilsəsinin tarixi və kilsə kompleksində dövlətin dəstəyi ilə aparılan genişmiqyaslı təmir-bərpa işləri ilə tanış olub. Kilsənin baş keşişi, protoiyerey Mefodiy Əfəndiyev ictimai birliyin rəhbərinə kilsə xeyriyyəçiliyi və sosial xidməti üzrə yeparxiya şöbəsinin fəaliyyəti və prixodun imkan daxilində aztəminatlı ailələrə göstərdiyi yardımlar barəsində məlumat verib. Nigar Bayramlı öz növbəsində ictimai birliyin ölkəmizin müxtəlif bölgələrində aztəminatlı ailələrə dəstək məqsədilə həyata keçirdiyi işlərdən danışıb. Görüş zamanı əməkdaşlıq məsələləri və birgə layihələr müzakirə edilib.