Bakı və Azərbaycan yeparxiyasının bütün pravoslav prixodlarında Məsihin Mövludu Böyük Bayramı təntənəli şəkildə qeyd olunub

Bakı və Azərbaycan yeparxiyasının bütün pravoslav prixodlarında Məsihin Mövludu Böyük Bayramı təntənəli şəkildə qeyd olunub. Bakı, Gəncə, Sumqayıt, Lənkəran, Xaçmas pravoslav prixodlarında təntənəli ibadətlər keçirilib - ölkəmizin pravoslav dindarları bu müqəddəs günlərdə dünyaya gəlmiş Xilaskar Məsihi vəsf edirlər. Azərbaycan Respublikasının Prezidenti İlham Əliyev, Qafqaz Müsəlmanları İdarəsinin rəhbəri Şeyxülislam A.Paşazadə, eləcə də ənənəvi dini icmaların rəhbərləri Azərbaycanın pravoslav xristianlarına təbrik məktubu ünvanlayıblar.

Gecə ibadətləri başlamazdan əvvəl Bakı yeparxiyasın katibi Azərbaycanın bir sıra KİV-lərinə müsahibə verib. Kilsələrdə keçirilən ibadətlər zamanı Moskva və Bütün Rusiya Patriarxı Zati-Müqəddəsləri Kirillin Pyatiqorsk və Çərkəz arxiyepiskopu Feofilakt həzrətlərinin müraciətləri oxunub. Kafedral kilsəsində keçirilən gecə Liturgiyasında İlncil və Milad ilahiləri ilk dəfə olaraq azərbaycan dilində oxunub.

Bayram ibadətlərində iştirak edən bütün uşaqlara xüsusi hazırlanmış hədiyyələr verilmişdir.