Bakı şəhəri Ali-Mələk Mikayıl kilsəsinin prixod evində uşaqlar üçün Milad şənliyi təşkil olunub

Bakı şəhəri Ali-Mələk Mikayıl kilsəsinin prixod evində uşaqlar üçün Milad şənliyi təşkil olunub. Tədbirin keçirilməsi xeyriyyəçilərin dəstəyi ilə Ali-Mələk Mikayıl kilsəsinin prixodu tərəfindən təşkil olunan “Şaxta Babaya məktub” xeyriyyə aksiyasının yekun mərhələsi oldu. Şaxta babanın iştirakı ilə keçirilən tədbir üç seansda baş tutub. Uşaqlar nağıl qəhrəmanının əlindən məktublarında yazdıqları hədiyyələri aldılar (dekabrın 4-dən 11-dək Ali-Mələk Mikayıl kilsəsinin ərazisində hər bir uşağın Şaxta Babaya ünvanlanmış məktub ata biləcəyi xüsusi bir poçt qutusu quraşdırılmışdır). Beləliklə xeyriyyəçilərin dəstəyi ilə 64 uşaq, o cümlədən uşaq bazar günü məktəbinin şagirdləri, kilsə imanlıların övladları, aztəminatlı və şəhid ailələrinin uşaqları həyatımızda həmişə yeri olan möcüzəyə rast gəldilər.