Bakı kafedral kilsəsinə hədiyyə olaraq ikonalar təqdim edilib

Rəbbin Təqdimedilməsi bayramı günü mqd. Mürr-Daşıyan Zənənlər kafedral kilsəsini Belarusiyalı qonaq, Mogilyov vilayəti Boquşovka qəsəbəsinin Məryəm Ananın Dua Örpəyi qədim-pravoslav, əski-adət prixodunun baş keşişi ata Vladimir Vorobyov ziyarət edib. Ata Vladimir Vorobyov Azərbaycana birinci dəfə deyil ki səfər edir.   Bu dəfə xeyriyyəçilərin və Məryəm Ananın Dua Örpəyi icmasının dəstəyi ilə Bakı yeparxiyası üçün hədiyyə olaraq ikona təsvirləri və xaçlar, o cümlədən mqd. Minsklı Valentinanın təsviri hazırlanıb.

XX əsrdə yaşamış bu müqəddəs ona verilmiş  xüsusi ənamlar ilə məşhurlaşıb.  Müqəddəs Valentina işıqlı baxışları ilə dünyanı mənəvi, əksər hallarda gözəgörünməz qalan tərəfdən görürdü. Buna görə də, o, onu ziyarət edən insanların həyatını ruhu ilə seyr edirdi;  kimin və nə üçün gəldiyini soruşmadan, hətta deyilməyən suallara belə cavab verirdi.  Rahibə-ana keçmişi də, gələcəyi də aydın görür və lazım bildikdə insanlara onlardan danışırdı.  Ziyarətçinin qəlbindəki sirri açaraq, onu Rəbb İsa Məsihə imanda gücləndirir, tövbə etməyən günahkarları məzəmmət edir, onları tövbəyə və xilasa çağırırdı.  Valentina kədər içində olanlara təsəlli verir və duası ilə onlara kömək edir, Allahın lütfü ilə xəstələrə şəfa verirdi.

Liturgiyanın sonunda ata Vladimir Azərbaycan pravoslavlarını salamlayaraq ümidvar olduğunu bildirib ki, ikonaların gətirilməsi ilə bağlı bu aksiya Belarus və Azərbaycan xristianlarını duada birləşdirəcək mənəvi körpüyə çevriləcək.  Bu hadisənin xatirəsinə ibadətdə iştirak edən hər kəs hədiyyə olaraq mqd. Minsklı Valentinanın kiçik ikonanı aldı.