Məşhur molokan kəndi İvanovkada tarixdə ilk dəfə pravoslav liturgiyası keçirilib

İvanovka Azərbaycan ərazisindəki molokan kəndlərinin ən qədimi və ən böyüyüdür. Kəndin yaşı təxminən 200 ildir.
Rus molokanları XIX əsrin birinci yarısında  Azərbaycana köçüb və bu günə kimi burada bir neçə kənddə kompakt yaşayır. Kəndlərdən ən məşhur olanı - İvanovka kəndi,  İsmayıllı rayonunda yerləşir və bu gün təkcə rus kənd mədəniyyətinin deyil, həm də molokan inancının və adət-ənənələrinin qorunub saxlandığı yeganə böyük guşəsidir.
Kəndin sakinləri arasında pravoslav xristianlar da var ki, onların xatirinə Bakı və Azərbaycan yeparxiyası kənd icra başçısı və molokan ağsaqqalı ilə razılaşaraq İlahi Liturgiya ibadəti təşkil edib.    
25 nəfərin toplandığı ibadətə etnik molokan olan diakon Vasiliy Bannikovun müşayiəti ilə Bakı yeparxiyasının katibi arximandrit Aleksiy (Nikonorov) rəhbərlik edib.  Səfərdə Yeparxiya şurasının katibi, protoiyerey Dionisiy Sveçnikov iştirak edib. Qonaqları Nikitin adına əfsanəvi kolxozun sədri V.İ. Novoseltsev xüsusi səmimiyyətlə qarşıladı. Liturgiyada Molokan icmasının baş presviteri S. V. Kazakov iştirak edib və səfər iştirakçılarına öz evində  qonaqpərvərlik göstərib.