Azərbaycan İlahiyyat İnstitutunda “Dini təhsil: mövcud vəziyyət və perspektivlər” mövzusunda konfrans keçirilib

“Heydər Əliyev İli”nin qeyd olunmasına həsr olunmuş tədbir Azərbaycan Respublikası Dini Qurumlarla İş üzrə Dövlət Komitəsinin, “Azərbaycan” qəzetinin və Azərbaycan İlahiyyat İnstitutunun birgə təşkilatçılığı ilə baş tutub.

Konfrans universitetin rektoru A.Şirinov, Dövlət Komitəsinin sədri M.Qurbanlı və rəsmi nəşrin baş redaktoru B.Sadıqovun salamlama nitqləri ilə açılıb. Sonra Azərbaycan dini icmalarının rəhbərləri və nümayəndələrinin, Dövlət Komitəsinin əməkdaşlarının və İlahiyyat İnstitutunda tədris prosesinin təşkili üzrə məsul şəxslərin və digər tədbir iştirakçılarının konfransın mövzusu ilə bağlı məruzələri dinlənilib.

Tədbirdə Bakı yeparxiyasını yeparxiyanın ictimai təşkilatlarla əməkdaşlıq üzrə şöbəsinin rəhbəri, protoiyerey Mefodiy Əfəndiyev təmsil edib. Protoiyerey Mefodiy Əfəndiyev konfransın mövzusu ilə bağlı çıxış edib.