Milli Məclisdə parlamentarilərin Azərbaycanda fəaliyyət göstərən dini icmaların rəhbərləri ilə görüşü keçirilib

Milli Məclisdə parlamentarilərin Azərbaycanda fəaliyyət göstərən dini icmaların rəhbərləri ilə görüşü keçirilib. Görüş müasir Azərbaycanın ümummilli lideri və memarı Heydər Əliyevin xatirəsinə həsr olunmuş yubiley ilinin qeyd olunmasının müzakirəsi üçün keçirilmişdir. Tədbirdə Milli Məclisin vitse-spikeri Fəzail İbrahimli, Dini Qurumlarla İş üzrə Dövlət Komitəsinin sədri Mübariz Qurbanlı, İlahiyyat İnstitutunun rektoru Aqil Şirinov, millət vəkilləri, dini icmaların rəhbərləri və nümayəndələri iştirak ediblər. Tədbirin hər bir iştirakçısına söz verildi. Bakı Yeparxiyasını yeparxiya İdarəsinin katibi arximandrit Aleksiy (Nikonorov) təmsil edib və ölkədə unikal millətlərarası və dinlərarası münasibətlərin qurulmasında Heydər Əliyevin tarixi rolu haqqında fikirlərini bölüşüb.