Bakı yeparxiyasının katibi Azərbaycan müsəlmanlarının dini liderinin Çeçenistan Respublikasından olan nümayəndə heyəti ilə görüşündə iştirak edib

Qafqaz Müsəlmanları İdarəsində Azərbaycan müsəlmanlarının dini lideri şeyxülislam Allahşükür Paşazadənin Çeçenistan Respublikasından Bakıya humanitar missiya ilə gələn nümayəndə heyəti ilə görüşü keçirilib.  Qonaqlar Çeçenistan Respublikasının rəhbəri R.Kadırovun adından salamlarını çatdırıb, qızıl-zinət çərçivəsi ilə bəzədilmiş eksklüziv Quran nəşrini şeyxülislama hədiyyə ediblər.  Öz növbəsində Qafqaz Müsəlmanları İdarəsinin sədri regional münaqişələrin həllində Rus Pravoslav Kilsəsi ilə sıx əməkdaşlıqdan, eləcə də ölkəmizin islam icmasının Başqırdıstan,  Tatarıstan, Dağıstan və Çeçenistan Respublikası kimi ənənəvi müsəlman bölgələri ilə uzun illər davam edən dostluq münasibətlərindən danışıb. Görüşdə Rusiya Federasiyasının Azərbaycan Respublikasındakı fövqəladə və səlahiyyətli səfiri M.N.Boçarnikov və Bakı Yeparxiyasının katibi arximandrit Aleksiy (Nikonorov) iştirak ediblər.