Azərbaycanda «Rus dili millətin mədəni kodu və millətlərarası ünsiyyət dili kimi» maarifləndirici təhsil layihəsinin II mərhələsi keçirilib

2023-cü ilin aprel ayının 3-dən 9-dək Azərbaycanda «Rus dili millətin mədəni kodu və millətlərarası ünsiyyət dili kimi» maarifləndirici təhsil layihəsinin II mərhələsi keçirilib. Layihə dünyanın ən zəngin dillərindən biri olan rus dilinin qorunub saxlanılması, möhkəmləndirilməsi və mövqelərinin artırılmasına yönəlib.  Layihənin təşkilatçıları, Bakıda Rus Evinin («Russkiy Dom») və Azərbaycan Dillər Universitetinin iştirakı ilə, Kino Festivalları və Beynəlxalq Proqramlar Mərkəzi, Moskvadakı Lev Tolstoy adına Dövlət Muzeyi və «KinoFocus» şirkətidir.

Layihə Prezidentin Mədəni Təşəbbüslərə Yardım Fondu və Heydər Əliyev Fondunun dəstəyi ilə həyata keçirilir. Aprelin 4-də Beynəlxalq Muğam Mərkəzində rus ədəbiyyatının iki klassiki arasındakı yaradıcılıq əlaqələrinə həsr edilmişdir “Böyük baş tutmayan görüş: Tolstoy və Dostoyevskiy” adlı sərginin təqdimatı keçirilib. 

Sonra klassik musiqidən ibarət konsert təşkil olunub. Rus, azərbaycan və xarici bəstəkarların  opera ariyaları və romansları ümumrusiya və beynəlxalq müsabiqələr laureatlarının ifasında səslənmişdir.

Tədbirdə Bakı və Azərbaycan yeparxiyasının katibi, arximandrit Aleksiy (Nikonorov) və yeparxiya idarəsinin əməkdaşları iştirak ediblər.