Bakı yeparxiyasının katibi Azərbaycan katoliklərini Pasxa bayramı münasibətilə təbrik edib

Qriqorian təqvimi ilə qeyd olunan Pasxa bayramı ərəfəsində Bakı və Azərbaycan yeparxiyasının katibi arximandrit Aleksiy (Nikonorov) ölkənin katolik icmasına təbrik məktubu ünvanlayıb. Təbrikdə, həmçinin, deyilir: “Məsihin Pasxası  bütün xristianlar üçün ilin ən sevincli və ən çox gözlənilən bayramıdır. "Ey ölüm! Neştərin hanı? Ey Cəhənnəm! Hanı qələbən?" deyərək həvari Pavel nida edir. Və biz, onun sözlərini təkrarlayaraq, Həyat verənin ölüm üzərində Qələbəsini təkrar-təkrar qeyd edirik və Dirilmiş Xilaskarı izzətləndiririk. Məsihin Dirilməsinin bu sevincli və nurlu günündə, bayramlar bayramı münasibətilə ən səmimi və ürəkdən gələn təbrikləri qəbul edin. Sizə və Azərbaycanın bütün qardaş katolik icmasına mənəvi sevinc, sülh və firavanlıq, bütün xeyirxah işlərdə Dirilən Xilaskardan kömək diləyirəm”.