Lənkəranda “Xatirə bağı”

Həvari Tomaya həsr olunmuş bazar günü Azərbaycanın ən cənub pravoslav kilsəsində İlahi Liturgiya keçirilib. İbadətə Lənkəran şəhərinin Məryəm Ananın Dua Örpəyi kilsəsinin baş keşişi protoiyerey Aleksandr Astaşkinin müşayiətilə Bakı yeparxiyasının katibi arximandrit Aleksiy (Nikonorov) başçılıq edib. Liturgiya zamanı ilahiləri mqd. Mürr-Daşıyan Zənənlər kafedral kilsəsinin kiçik xoru ifa edib.Bu gün üçün kilsədə dövlət başçısının Bakı yeparxiyasına ayırdığı vəsait hesabına Rəbb Qapıları və Diakon Qapıları quraşdırılmışdır.

İbadətin sonunda kilsənin yerləşdiyi pravoslav qəbiristanlığının ərazisində "Xatirə bağı" salınıb. “Xatirə bağı” dünyanın bir çox ölkələrində keçirilən beynəlxalq aksiyadır və Böyük Vətən Müharibəsi zamanı həlak olan hər bir insanın xatirəsinə 2023-cü ildə 27 milyon ağac əkmək məqsədi daşıyır.

"Xatirə bağı" hərəkatı dünyanın hər yerindən yüz minlərlə insanın azadlığımız uğrunda mübarizədə canlarından keçmişlərin xatirəsini yad etmək ətrafında birləşdirir. Bundan əlavə, aksiya həm də ekologiya sahəsində aktual problemlərin həllinə - şəhərlərin yaşıllaşdırılmasına, meşə plantasiyalarının bərpasına və karbon qazının təsirinin azaldılmasına yönəlib.

Lənkəranda keçirilən aksiya Bakı şəhəri "Rus Evi" (Rossotrudniçestvo-nun nümayəndəliyi) Bakı yeparxiyası ilə birgə keçirilib və İkinci Dünya Müharibəsində həlak olan azərbaycanlıların xatirəsini əbədiləşdirmək məqsədi daşıyır.

Tədbirdə Rusiya Federasiyasının Azərbaycandakı səfirliyinin müşaviri Rumyantsev A.V., "Rossotrudniçestvo"-nun, Azərbaycanın Rus Gəncləri Assosiasiyasının, Lənkəran şəhər icra hakimiyyətinin nümayəndələri, respublikanın cəbub bölgəsinin qazisi Hacı Sədi Qənizadə və başqaları iştirak ediblər.