Din xadimləri akademik Zərifə xanım Əliyevanın xatirəsini yad ediblər

Azərbaycanın din xadimləri bu il 100 illik yubileyi qeyd olunan tanınmış oftalmoloq alim, akademik Zərifə xanım Əliyevanın məzarı üzərinə gül dəstələri düzüblər.

Zərifə xanım Azərbaycan SSR-da və SSRİ-da böyük nüfuza malik idi. O, göz xəstəliklərinin müalicəsi üçün bir neçə yeni üsul işləyib tətbiq etmişdir. On dörd monoqrafiyanın və yüzlərlə elmi məqalənin, on iki səmərələşdirici təklifin müəllifidir. Onun təşəbbüsü ilə Azərbaycanda ilk oftalmologiya elmi mərkəzi olan ixtisaslaşdırılmış elmi-tədqiqat laboratoriyası yaradılmışdır. Hal hazırda Azərbaycan Respublikası Milli Oftalmologiya Mərkəzi akademik Zərifə xanım Əliyevanın adını daşıyır.

Tədbirdə Bakı yeparxiyasının rəhbəri vəzifəsini müvəqqəti icra edən, Pyatiqorsk və Çərkəz arxiyepiskopu Feofilakt iştirak etmişdir.