9 may - Qələbə Günün 78-ci ildönümü

İkinci Dünya (Böyük Vətən) Müharibəsində Qələbənin 78-ci ildönümünün qeyd olunduğu gün hər il olduğu kimi, paytaxtın Nərimanov rayonunda yerləşən kütləvi məzarlıq abidəsinə yüzlərlə insan toplaşıb. Buraya veteranlar, müharibə iştirakçıların yaxınları, ictimai təşkilatların nümayəndələri, məktəblilər və Böyük Vətən Müharibəsində iştirak edən ölkələrin səfirləri, eləcə də Qarabağ müharibəsi veteranları gəlib.

Rusiyanın Azərbaycandakı fövqəladə və səlahiyyətli səfiri M.N.Boçarnikov və Müharibə və Əmək Veteranları Təşkilatının sədr müavini polkovnik C.Xəlilov tədbir iştirakçılarına təbrik sözləri ilə müraciət ediblər. Bakı yeparxiyasının katibi arximandrit Aleksiy (Nikonorov) döyüş meydanında canlarını fəda etmiş, aldığı yaralardan həlak olan əbədi sərkərdələrin və iman və Vətən uğrunda döyüşçülərin, əsirlikdə və acı zəhmətlərdə günahsız işgəncələrə məruz qalıb öldürülənlərin, Qələbə üçün çalışanların ruhlarına dualar oxuyub. Sonra Qafqaz Müsəlmanları İdarəsinin nümayəndəsi də mərhumlar üçün dua edib. Tədbir iştirakçıları keçmiş SSRİ-nin hər yerindən Bakıdakı xəstəxanalarda aldığı yaralardan dünyasını dəyişən əsgərlərin məzarları üzərinə əklil və gül dəstələri qoyublar.

İkinci Dünya Müharibəsi illərində Azərbaycandan cəbhəyə 600 min döyüşçü getdi ki, bunun da 40 mini könüllü idi. Azərbaycandan çağırılmış 300 min SSRİ vətəndaşı döyüş meydanlarında həlak olub. Azərbaycandan olan əsgərlər Brest qalası uğrunda ən böyük döyüşlərdə vuruşmuş, Leninqrad və Moskvanın müdafiəsində iştirak etmiş, Stalinqrad uğrunda vuruşmuş, Ukraynada döyüşmüş, Baltikyanı və Şərqi Avropa ölkələrinin azad edilməsində iştirak etmiş, Berlinin özünə qədər gəlmişlər. Bundan əlavə, Azərbaycan cəbhəni yanacaqla təmin edirdi, müharibə zamanı tankların və hərbi texnikanın 85-90%-i Bakı benzini ilə işləyirdi. İkinci Dünya Müharibəsi illərində cəbhəyə 75 milyon ton Bakı nefti, 22 milyon ton benzin verilmişdir. Bakı zavodlarında 130-dan çox növ silah və onların komponentləri istehsal olunurdu. Azərbaycan cəbhəni pambıq və ərzaqla təmin edirdi.