Qələbə günü münasibətilə Rusiya Federasiyasının Azərbaycandakı səfirliyi tərəfindən ziyafət təşkil olunub

Rusiya Federasiyasının Azərbaycandakı səfirliyi Qələbə günü, həmçinin Rusiyanın Azərbaycandakı fövqəladə və səlahiyyətli səfiri M. N. Boçarnikovun diplomatik missiyasının başa çatması münasibətilə ziyafət təşkil edib.

Ənənəvi olaraq tədbirdə Prezident Administrasiyasının, Xarici İşlər Nazirliyinin nümayəndələri, Milli Məclisin deputatları, diplomatlar, ictimai təşkilatların, işgüzar dairələrin və mədəniyyət birliklərinin rəhbərləri və nümayəndələri, həmçinin Böyük Vətən Müharibəsi veteranları və onların ailələri iştirak edib. Səfir çıxışında dinc gələcək uğrunda mübarizə aparan və canlarından keçənlərin xatirəsi qarşısında ümumi borcumuzun olduğunu qeyd edərək, yeni Azərbaycanın tarixində Qələbə Gününün qeyd olunmasının təşəbbüskarının ümummilli lideri Heydər Əliyevin olduğunu vurğulayıb. Həmçinin, diplomatik nümayəndəliyin rəhbəri 5 illik fəaliyyəti ərzində onun və Səfirliyin işinə Rusiya ilə Azərbaycan arasında münasibətləri keyfiyyətcə yeni səviyyəyə qaldıran və əlaqələrin daha da möhkəmlənməsinə və 2022-ci ilin fevralında Müttəfiqlik sazişinin bağlanmasına səbəb olan dəstəyə görə hər kəsə təşəkkürünü bildirib.

Tədbirdə Bakı yeparxiyasının katibi arximandrit Aleksiy (Nikonorov), eləcə də yeparxiya prixodlarının baş keşişləri ştirak ediblər.