Zati-Müqəddəsləri Moskva və Bütün Rusiyanın Patriarxı Kirill Azərbaycan Respublikasının Prezidenti İlham Əliyevə məktub ünvanlayıb

Rus Pravoslav Kilsəsinin Başçısı, Zati-Müqəddəsləri Moskva və Bütün Rusiyanın Patriarxı Kirill Azərbaycanın ümummilli lideri Heydər Əliyevin 100 illik yubileyi münasibətilə Azərbaycan Respublikasının Prezidenti İlham Əliyevə məktub ünvanlayıb:

"Sizi və rəhbərlik etdiyiniz respublikanın bütün sakinlərini əlamətdar yubiley - Azərbaycan xalqının lideri Heydər Əlirza oğlu Əliyevin anadan olmasının 100 illik yubileyi münasibətilə ürəkdən təbrik edirəm.

Heydər Əlirza oğlu uzun illər dövlət qulluğunda çalışdığı müddətdə özünü səmimi vətənpərvər və uzaqgörən siyasətçi, məsuliyyətli və həssas rəhbər kimi göstərdi, qayğısına qaldığı insanların rifahını daim diqqətdə saxladı. Sevindirici haldır ki, onun rəhbərliyi ilə ölkə nəinki sosial-iqtisadi sahədə mühüm dəyişikliklərə nail olub, həm də özünəməxsusluğunu, ənənəvi mənəvi-əxlaqi dəyərlərə sadiqliyini qoruyub saxlaya bilib.

Mən böyük minnətdarlıqla atanızın Rus Pravoslav Kilsəsinin Bakı yeparxiyasının dirçəlməsinə, dinlərarası dialoqun inkişafına, millətlərarası sülhün və vətəndaş razılığının quruculuğuna verdiyi böyük şəxsi töhfələr haqda şəhadət vermək istərdim.

Sizə cansağlığı və uğurlar, Azərbaycan xalqına - firavanlıq və əmin-amanlıq arzulayıram".