Gəncədə Heydər Əliyevin 100 illik yubileyinə həsr olunmuş tədbirlər keçirilib

Anım tədbirləri Gəncə Dövlət Filarmoniyasında, şəhər icra hakimiyyətinin başçısı Niyazi Bayramovun nitqi ilə başlayıb. Nizami Bayramov ümummilli liderin ölkə prezidenti kimi fəaliyyəti haqqında məruzə ilə çıxış edib. Tədbir iştirakçılarının diqqətinə Heydər Əliyevin həyatından bəhs edən sənədli film təqdim olunub. Tədbirlər İmamzadə məscidində davam edib, orada qonaqları məscidin axundu Hacı Tahir Abbasov çay süfrəsi ilə qarşılayıb. Azərbaycan dövlətinin həm ölkə daxilində, həm də xaricdə həyata keçirdiyi multikulturalizm və tolerantlıq siyasətinin əsasını təşkil edən Heydər Əliyevin mənəvi-əxlaqi dəyərlərin qorunub saxlanmasına dair müdrik rəhbərliyindən bəhs edən film nümayiş etdirilib. Tədbirlərdə Gəncə şəhər İcra Hakimiyyətinin başçısı və nümayəndələri, ictimaiyyət, mədəniyyət və din xadimləri iştirak ediblər. Bakı yeparxiyasını Gəncə şəhəri Aleksandr Nevskiy kilsəsinin baş keşişi Varfolomey Sotnikov təmsil edib.