Bakı yeparxiyasında Heydər Əliyevin xatirəsi anılıb

Balkı yeparxiyasının Pravoslav Dini-Mədəni Mərkəzində Azərbaycanın ümummilli lideri Heydər Əliyevin 100 illik yubileyinə həsr olunmuş tədbir keçirilib.
“Xatirə” adlı tədbiri Bakı yeparxiyasının katibi, arximandrit Aleksiy (Nikonorov) açıb. O, Bakı yeparxiyasının dirçəlişində və ölkədə pravoslav kilsələrinin bərpasında Heydər Əliyevin rolundan danışıb. Sonra CBC telekanalının “Tolerantlığın çalarları” layihəsinin müəllifi Leyla Qurbanovanın Bakı yeparxiyasının sifarişi ilə hazırladığı müasir Azərbaycanın memarının ölkəmizin Pravoslav Kilsəsinə münasibəti haqda film tədbir iştirakçılarına təqdim olunub. Dövlət Akademik Opera və Balet Teatrının solisti, Azərbaycanın əməkdar artisti İnarə Babayevanın ifasında ümummilli liderin sevdiyi Azərbaycan milli mahnıları səsləndirilib. Azərbaycanın Rus İcmasının sədri, Milli Məclisin deputatı M.Y.Zabelin Heydər Əliyevlə birgə fəaliyyəti haqda xatirələrini bölüşüb. Tədbir çay və şirniyyat süfrəsi ilə başa çatıb.