Azərbaycanın dini icmaları “Müasir çağırışlar və qarşıda duran vəzifələr” konfransında iştirak edib

Azərbaycan Respublikası Dini Qurumlarla iş üzrə Dövlət Komitəsi İsmayıllı Rayon İcra Hakimiyyəti və Azərbaycan Bibliya Cəmiyyətinin birgə təşkilatçılığı ilə “Müasir çağırışlar və qarşıda duran vəzifələr” mövzusunda regional konfrans keçirilib. Tədbirdə Dövlət Komitəsi sədrinin müavini Səyavuş Heydərov, İsmayıllı Rayon İcra Hakimiyyətinin başçısı Nahid Bağırov, eləcə də respublikanın müxtəlif dini icmalarının rəhbərləri və nümayəndələri iştirak ediblər. Forumda ölkədə dini etiqad azadlığının təmin edilməsi, ənənəvi mənəvi dəyərlərin təşviqi və təbliği, dini müxtəlifliyin qorunması, dini-ideoloji təhlükəsizliyin təmin edilməsi ilə bağlı məsələlərə toxunulub. Səfər zamanı tədbir iştirakçıları İsmayıllı rayonu İvanovka kəndini ziyarət edib, orada yaşayan molokan icmasının nümayəndələri ilə görüşüblər.

Bakı və Azərbaycan yeparxiyasını tədbirdə yeparxiya idarəsi dəftərxanasının rəhbəri Mixail Klimov təmsil edib.