Azərbaycanın dini liderləri Prezident İlham Əliyevə təbrik məktubu ünvanlayıblar

Azərbaycanın dini liderləri Müstəqillik Günü münasibətilə Prezident İlham Əliyevə təbrik məktubu ünvanlayıblar. Məktubda, həmçinin, deyilir: "Biz Azərbaycanın dövlət müstəqilliyinin möhkəmlənməsində və iqtisadi qüdrətinin artmasında Sizin misilsiz fəaliyyətinizin şahidiyik, ölkədə apardığınız genişmiqyaslı bərpa və yenidənqurma işləri ilə yanaşı, milli-mədəni irsin dirçəlişinə göstərdiyiniz maddi və mənəvi yardım dini dəyərlərə verilən böyük önəm və diqqətin təzahürüdür" 
Ənənəvi konfessiyaların başçıları Prezidentə və onun ailəsinə uzun ömür, möhkəm cansağlığı və şərəfli fəaliyyətində uğurlar diləyiblər. 
"Biz dindarlar Azərbaycan xalqının gələcəyi və rifahı naminə Sizin fəaliyyətinizi hər zaman bəyənir və dəstəkləyirik. Əminik ki, Uca Yaradanın köməyi və Sizin rəhbərliyinizlə Azərbaycan xalqı dünya miqyasında daha böyük uğurlara imza atacaq, dövlət müstəqilliyimiz əbədi qalacaq, haqqın qalibiyyəti daim Zati-alinizlə olacaqdır!" - məktubda deyilir.