Lənkaran şəhərində "Müasir çağırışlar və qarşıda duran əsas hədəflər" mövzusunda regional konfrans keçirilib

Azərbaycan Respublikası Dini Qurumlarla iş üzrə Dövlət Komitəsi və Lənkəran Şəhər İcra Hakimiyyəti ilə birlikdə ölkədə dini etiqad azadlığının təmin edilməsi, ənənəvi dini-mənəvi dəyərlərin təbliği və təşfiqi, dini müxtəlifliyin qorunub saxlanılması və dini-ideolojı təhlükəsizliyin təmin edilməsi məsələlərinə dair Lənkəran şəhərində "Müasir çağırışlar və qarşıda duran əsas hədəflər" mövzusunda regional konfrans təşkil edib.

Tədbirdə Dövlət Komitəsinin sədr müavini Səyavuş Heydərov, Lənkəran İcra Hakimiyyətinin başçısı Taleh Qaraşov, Milli Məclisin deputatı Rüfət Quliyev, Komitənin və yerli idarəetmə orqanların əməkdaşları, region və Bakı şəhərinin dini icmalarının rəhbərləri və nümayəndələri iştirak edib.

Konfrans başlamazdan əvvəl tədbir iştirakçıları ümumilli lider Heydər Əliyevin heykəli qarşısına gül dəstələri düzmüşlər.

Bakı yeparxiyasını tədbirdə Bakı ş. Ali-Mələk Mikayıl kilsəsinin keşişi protoierey Andrey Bezotosnıy təmsil edib. Andrey ata konfransın mövzusu ilə bağlı çıxış edib.