Bakı pravoslav kilsələrinin uşaq bazar günü məktəblərinin şagirdləri və “Təmiz dünya” sığınacağından olan uşaqlar Astara şəhərinə səfər ediblər

Bakı pravoslav kilsələrinin uşaq bazar günü məktəblərinin şagirdləri, həmçinin “Təmiz dünya” sığınacağından olan uşaqlar Azərbaycanın ən cənub bölgəsinə - Astara şəhərinə səfər ediblər. Ənənəvi illik “Yay düşərgəsi” layihəsi VTB-Azərbaycan Bankının sponsor dəstəyi, Bakıdakı Rus Evinin və GID CSR consulting-nin təşkilati iştirakı ilə keçirilib.

İki gün ərzində uşaqlar üçün intellektual oyunlar, idman yarışları, fond bazarlarının təhlili dərsləri, maliyyə savadlılığı təlimləri təşkil olunmuşdur. Düşərgə iştirakçıları rəsm üzrə master-klass zamanı istəklərini rənglərin dili ilə ifadə etmək imkanı əldə ediblər. Layihənin başa çatdığı gün tədbirin sponsorları və təşkilatçıları uşaqlara xatirə hədiyyələri təqdim ediblər.