Bakıda Şimali və Şərqi Qafqaz yəhudilərinin irsi və mədəniyyətinə həsr olunmuş iki günlük forum öz işinə başlayıb

Azərbaycan Dövlət Dillər Universitetində “Şimali və Şərqi Qafqazda yəhudilərin irsi və mədəniyyəti” mövzusunda ikigünlük beynəlxalq elmi konfrans öz işinə başlayıb. Tədbir Bakı Beynəlxalq Multikulturalizm Mərkəzi, İsrailin Bar-İlan Universiteti, Dahan Yəhudi Mərkəzi, Aşkelon Akademik Kolleci, Azərbaycan Dillər Universiteti və İlahiyyat İnstitutu tərəfindən təşkil olunub.

Konfrans əsasən Azərbaycanda multikulturalizm modeli, o cümlədən Qafqazda yəhudilərin tarixi və həyat tərzinə həsr olunmuş mövzulara olub.

Forumda siyasətçilər, elm adamları, jurnalistlər, din və ictimai xadimlər, universitet rektorları iştirak ediblər. Bakı Pravoslav Yeparxiyasını Bakı Yeparxiya İdarəsinin katibi arximandrit Aleksiy (Nikonorov) təmsil edib.