Avqustun 28-29-da Quba rayonunda dinlərarası səyyar forumu təşkil olunub

Avqustun 28-29-da Azərbaycan Respublikası Dini Qurumlarla iş üzrə Dövlət Komitəsi, Bakı və Azərbaycan Yeparxiyası və Azərbaycanda Katolik Kilsəsinin Prefekturasının birgə təşkilatçılığı ilə Qubada “Dinlərarası birgəyaşayış: müasir çağırışlar və Azərbaycan nümunəsi” mövzusunda dəyirmi masa keçirilib.

Forumda Dövlət Komitəsinin sədr müavini Səyavuş Heydərov, Azərbaycanın müsəlman, xristian və yəhudi dini icmalarının rəhbərləri və nümayəndələri iştirak ediblər. Tədbir çərçivəsində iştirakçılar Azərbaycan xalqının ümummilli liderinin abidəsi önünə gül dəstələri düzüb, Quba şəhəri Heydər Əliyev Mərkəzinin ekspozisiyası ilə tanış olub, Quba şəhəri Cümə məscidini, Azərbaycanda dağ yəhudilərinin kompakt yaşadığı Qırmızı Qəsəbənin baş və ən qədim sinaqoqunu, Xaçmaz şəhəri mqd. Ecazkar Nikolay pravoslav kilsəsini, eləcə də 1918-ci il faciəvi xadisələrin qurbanlarına həsr olunmuş Xatirə Kompleksini ziyarət ediblər.

Xaçmaz şəhəri mqd. Nikolay kilsəsində forum iştirakçılarını kilsənin baş keşişi iyeromonax Georgiy Budaqov salamlayaraq qonaqlara kilsənin tarixi və ölkəmizin şimal bölgəsinin pravoslav icmasının həyatı haqqında məlumat verib.

Bakı yeparxiyasını tədbirdə yeparxiyanın ictimai təşkilatlarla qarşılıqlı əlaqələr şöbəsinin rəhbəri, protoiyerey Mefodiy Əfəndiyev təmsil edib.