Bakı yeparxiyasının kilsələrində yeni tədris ilinin başlanması münasibətilə dualar edilib

Yaranmış ənənəyə uyğun olaraq Rəbbin Günü İlahi Liturgiyasından sonra Bakı yeparxiyasının kilsələrində yeni tədris ilinin başlanması üçün dualar edilib. Azərbaycanın orta və ali təhsil müəssisələrində tədris ili sentyabrın 15-dən başlayır. Həmin dövrdə yeparxiyanın kilsələrində yay tətillərindən sonra uşaq bazar günü məktəblərində yenidən dərslər başlanılır. Hazırda bazar günü uşaq məktəbləri paytaxtın bütün kilsələrində - mqd. Mürr-Daşıyan Zənənlər kafedral kilsəsində, Müqəddəs Məryəmin Mövludu (Allahın Əqdəs Validəsinin Mövludu) kilsəsində və Ali-Mələk Mikayıl kilsəsində fəaliyyət göstərir.

Mqd. Mürr-Daşıyan Zənənlər kafedral kilsəsində keçirilmiş dua mərasimindən sonra Yeparxiya İdarəsinin katibi arximandrit Aleksiy (Nikonorov) şagirdləri yeni dərs ilinin başlanması münasibətilə təbrik etdi. Aleksiy ata bazar günü məktəbin uşaqlarına hər il keçirilən “Yerin və səmanın” uşaq rəsm müsabiqəsində iştirak etdiklərinə görə fəxri fərmanlar təqdim etdi.