Bakı şəhəri Mübarək Məryəmin Mövludu böyük kilsəsində kilsənin taxt-taxc bayramı qeyd edilib

Sentyabrın 21-də Kilsə Allahın Əqdəs Validəsi Məryəm Ananın Mövludu şərəfinə bayram keçirir. Həmin gün 1926-cı ildə Sabunçu dəmiryolu vağzalın yanında tikilmiş Bakı şəhəri Allahın Əqdəs Validəsinin Mövludu kiləsinin taxt-tac bayramı qeyd olunur. Bayram ərəfəsi və bayram günündə kilsədə keçirilən ibadətlərə Bakı və Azərbaycan Yeparxiyasının rəhbəri vəzifəsini müvəqqəti icra edən, Pyatiqorsk və Çərkəz arxiyepiskopu Feofilakt başçılıq edib. İlahi Liturgiya zamanı arxiyereyi paytaxt kilsələrinin baş keşişləri və ruhaniləri müşayiət ediblər. İbadət zamanı bəzi ilahilər, yekteniyalar, dualar və İncil azərbaycan dilində səsləndirildib.

Ənənəyə uyğun olaraq kilsə ətrafında dini yürüş keçirildi. Yürüşün sonunda arxiyepiskop Feofilakt toplaşanlara arxipastır sözü ilə müraciət etdi. İbadətdə iştirak edənlərin hamısı kİlsənin həyətində təşkil olunmuş bayram süfrəsinə dəvət olundular.

Həmçinin arxipastır xüsusilə qeyd etdi ki, yeparxiyanın səyləri nəticəsində tarixdə ilk dəfə ibadət zamanı istifadə olunan altar İncili azərbaycan dilində gün işığını görüb. Azərbaycan dilində altar İncilin əl işi cildlərində və arxiyepiskop həzrətləri tərəfindən şəxsən imzalanmış ilk nüsxələri tərcümə və nəşr işində iştirak edənlərə təqdim edilmişdir. Bakı Yeparxiya İdarəsinin katibi arximandrit Aleksiy (Nikonorov) arxiyepiskop Feolfilakt həzrətlərinə keçirilən ibadətlərə və Azərbaycanın pravoslav icmasına göstərdiyi daimi qayğısına görə minnətdarlığını bildirərək qeyd etdi ki, məhz bu günlərdə Azərbaycanın sakinləri xüsusi, taleyüklü bir dövrü yaşayır; ölkə öz tarixinin yeni, düşmənçilikdən və qarşıdurmadan azad, yalnız sülhün və quruculuğun yer alacağı səhifəsini yazmaq fürsətini əldə edib.

Həmin gün arxiyepiskop Feofilakt din xadimləri ilə birlikdə Azərbaycanın ümummilli lideri Heydər Əliyevin dəfn olunduğu yeri ziyarət edib və dirçəldilmiş Bakı yeparxiyasının birinci arxiyereyi - arxiyepiskop Aleksandrın məzarı önündə mərhumlar üçün litiya dua mərasimini keçirib.