Azərbaycanın pravoslav icması Milad Bayramını təntənəli şəkildə qeyd edir

Bu müqəddəs günlərdə ölkəmizin xristianları dünyaya gələn Xilaskar Məsihi izzətləndirirlər. Bayram ibadətləri Bakı, Gəncə, Sumqayıt, Lənkəran, Xaçmas və Xankəndi kilsələrində keçirilib. Azərbaycan Respublikasının Prezidenti İlham Əliyev, Qafqaz Müsəlmanları İdarəsinin sədri Şeyxülislam A.Paşazadə, Azərbaycan Respublikası Dini Qurumlarla İş üzrə Dövlət Komitəsinin sədri Mübariz Qurbanlı, Azərbaycanda Katolik Kilsəsinin Apostol Prefekturasının başçısı yepiskop Vladimir Fekete və digərləri Azərbaycanın pravoslav xristianlarına təbrik məktubları göndərib.

Gecə ibadəti başlamazdan əvvəl Bakı yeparxiyasının katibi arximandrit Aleksiy (Nikonorov) Azərbaycanın bir sıra KİV-lərinə müsahibə verib. Kilsələrdəki ibadətlər zamanı Moskva və Bütün Rusiya Patriarxı Kirillin Milad müraciəti oxunub. Müqəddəs Mürr-Daşıyan Zənənlər kafedral kilsəsində keçirilən gecə liturgiyasında İncil və Milad ilahiləri kilsə-slavyan və azərbaycan dillərində səslənib. Bayram ibadətində iştirak edən uşaqlar onlar üçün hazırlanmış Milad hədiyyələri aldılar.