Bakı Yeparxiyasının Dini-Mədəni Mərkəzində kitabların təqdimatı keçirilib

Bakı Yeparxiyasının Pravoslav Dini-Mədəni Mərkəzində Xalqların Beynəlxalq Mənəvi Birliyi Fondunun nəşr etdiyi 12 kitabdan ibarət seriyanın təqdimatı olub. Çap nəşrlərini Fondun direktoru, Moskva Dövlət Universitetinin professoru V.A.Alekseyev təqdim etmişdir. Tədbiri giriş sözü ilə açan Bakı və Azərbaycan yepiskopu Aleksiy Valeriy Arkadyeviçə rus yazıçılarının zəngin irsinə pravoslav mənəviyyat prizmasından baxmaq imkanı verdiyinə görə təşəkkür edib. Professor Alekseyev rəhbərlik etdiyi fondun işi və təqdim olunan nəşrlər seriyasının yaradılması layihəsi barədə ətraflı danışıb. Nəşrlərin komplekti hər bir kilsənin kitabxanasına verilmişdir. Tədbirdə Rusiya Federasiyasının Azərbaycan Respublikasındakı səfirliyinin elçi-müşaviri Yu. P. Spirin, Rossotrudniçestvo-nun Azərbaycandakı nümayəndəliyinin rəhbəri Zinnurov İ.X., yeparxiya kilsələrinin din xadimləri və əməkdaşları iştirak ediblər.