Bakı və Azərbaycan yepiskopu Aleksiy yeparxiya iclasına sədrlik edib

Bakı Yeparxiyasının Dini-Mədəni Mərkəzinin konfrans zalında keçirilən iclasda arxiyerey hesabat məruzəsi ilə çıxış edib və ötən 2024-cü ilin yekunlarını vurğulayıb. Bakı yeparxiyası üçün ötən ilin ən mühüm hadisələrindən danışan yepiskop Aleksiy Azərbaycan Respublikasının Prezidenti İlham Əliyevin və Rusiya Federasiyasının prezidenti Vladimir Putinin Müqəddəs Mürr-Daşıyan Zənənlər kafedral kilsəsinə ziyarətlərini, XXXIII Beynəlxalq Milad Təhsil Oxumalarının və "Allah dünyasının gözəlliyi" uşaq yaradıcılıq müsabiqəsinin yeparxiya mərhələsini, pravoslav dua kitabının azərbaycan dilində nəşrini, Milad konsertinin təşkilini, Zəvvarlıq şöbəsinin işini xüsusi olaraq vurğulayıb. Yepiskop kilsələrdə bazar günləri və katexizasiya məktəblərinin fəaliyyətinə, yeparxiyanın dövlət orqanları, dini və ictimai təşkilatlarla qarşılıqlı əlaqələrinə, yeparxiya idarəsi əməkdaşlarının və yeparxiya ruhanilərinin ölkənin ictimai-mədəni həyatında iştirakına xüsusi diqqət yetirmişdir. Həmçinin yeparxiya şöbələri və komissiyaları rəhbərlərinin hesabatları dinlənilmişdir.