Yeparxiyanın cəzaçəkmə müəssisələrində xidmət üzrə şöbəsinin rəhbəri penitensiar müəssisələrdə olub

Yanvarın 7-də Milad bayramı ilə əlaqədar Yeparxiyanın cəzaçəkmə müəssisələrində xidmət üzrə şöbəsinin rəhbəri protoiyerey Mefodiy  Əfəndiyev Bakının Qaradağ rayonunun Umbaki kəndində yerləşən yeni qarışıq rejimli penisetar kompleksində olub. Səfər zamanı Mefodiy ata ömürlük həbs cəzası çəkən şəxslərlə görüşüb və bayram dua ibadəti keçirib.

Ertəsi gün, yanvarın 8-də, çoxilli ənənəyə uyğun olaraq, protoiyerey Mefodiy 15 saylı cəzaçəkmə müəssisəsinə baş çəkib, burada da ibadətlər üçün xüsusi hazırlanmış dua otağında bayram ibadəti keçirib. Daha sonra çay süfrəsi arxasında pastoral söhbət keçirildi. 

Həmin gün Yeparxiya şöbəsinin rəhbəri penitensiar sistemin tibb müəssisəsində olub, stasionar müalicə alan məhbusları Milad bayramı münasibətilə təbrik edib.

Penitensiar müəssisələrə başçəkmə zamanı Mefodiy ata məhbuslara yeparxiya təqvimlərini və "Pravoslavnıy Vestnik" qəzetlərindən seçmələri, həmçinin xeyriyyəçilərin dəstəyi ilə Ali-Mələk Mikayıl prixodu tərəfindən hazırlanmış hədiyyələri təqdim edib.