Xəbərlər 2024
Zəvvarlar Azərbaycanın şimal-qərb bölgəsində yerləşən xristian ziyarətgahlarını ziyarət ediblər
Bakı Yeparxiyasının zəvvarlıq şöbəsi paytaxt kilsələrinin imanlıları üçün Azərbaycanın şimal-qərb bölgəsində yerləşən xristian ziyarətgahlarına səyahət təşkil edib. Üç gün ərzində zəvvarlar respublikanın Qəbələ, Oğuz və Qax rayonlarına səfər ediblər.
Xristian irsi ilə tanışlıq Oğuz ziyarətgahlarını, xüsusilə də Qafqaz Albaniyası tayfalarından birinin nəslindən olan pravoslav udinlər tərəfindən 1822-ci ildə tikilmiş Oğuz şəhəri böyük knyaz Aleksandr Nevskiy kilsəsini ziyarət etməklə başladı. Kilsə sovet dövründə bağlanılmışdır və hal hazırda kilsənin binası tarix və etnoqrafiya muzeyi kimi istifadə olunur. Qax rayonunda zəvvarlar Qax şəhərində, Əlibəyli və Kötüklü kəndlərində yerləşən gürcü pravoslav kilsələrini ziyarət etmiş, burada gürcü-inqiloyların yerli icmalarının nümayəndələri tərəfindən hərarətlə qarşılanmış, həmçinin Kürmüx Müqəddəs Böyük Şəhid Georgiy kilsəsinə qalxıblar. Qum kəndində zəvvarlar Qafqaz Albaniyasının erkən orta əsrlərə aid məbəd memarlığı abidəsi ilə - V-VI əsrlərə aid üçnefli bazilika ilə tanış olublar. Tədqiqatçılar hesab edirlər ki, bu kilsə III Mömin Vaçaqan dövründə tikilib, onun hakimiyyəti dövründə Qafqaz Albaniyası özünün mənəvi çiçəklənmə dövrünü yaşayıb. Bazilikanın Müqəddəs Məryəmin Mövluduna həsr edildiyi barədə məlumatlar var.
Bazar günü, mayın 26-da zəvvarlar Qəbələ rayonunun Nic kəndindəki Müqəddəs Elişa kilsəsində alban-udi xristian icmasının dəvəti ilə keçirilən İlahi Liturgiyada iştirak ediblər. Xatirəsi həmin gün qeyd olunan Müqəddəs Elişa Həvari Taddayin şagirdi və Qafqaz Albaniyasında İncili ilk vəz edən idi. Cənubi Qafqazda bir çox kilsələr qədim zamanlardan bu müqəddəsə həsr olunurdu.
Zəvvar qrupunu səfərdə Bakı Yeparxiya İdarəsinin katibi, protoiyerey Dionisiy Sveçnikov və zəvvarlıq şöbəsinin əməkdaşları müşayiət ediblər. Azərbaycan Respublikası Dini Qurumlarla İş üzrə Dövlət Komitəsinin Oğuz və Qax regional bölmələrinin nümayəndələri ölkənin şimal-qərb bölgəsində xristian ziyarətgahlarının ziyarətinə hərtərəfli dəstək veriblər.
Xəbərlər
Bakı Yeparxiyasının zəvvarlıq şöbəsi paytaxt kilsələrinin imanlıları üçün Azərbaycanın şimal-qərb bölgəsində yerləşən xristian ziyarətgahlarına səyahət təşkil edib. Üç gün ərzində zəvvarlar respublikanın Qəbələ, Oğuz və Qax rayonlarına səfər ediblər.
Xristian irsi ilə tanışlıq Oğuz ziyarətgahlarını, xüsusilə də Qafqaz Albaniyası tayfalarından birinin nəslindən olan pravoslav udinlər tərəfindən 1822-ci ildə tikilmiş Oğuz şəhəri böyük knyaz Aleksandr Nevskiy kilsəsini ziyarət etməklə başladı. Kilsə sovet dövründə bağlanılmışdır və hal hazırda kilsənin binası tarix və etnoqrafiya muzeyi kimi istifadə olunur. Qax rayonunda zəvvarlar Qax şəhərində, Əlibəyli və Kötüklü kəndlərində yerləşən gürcü pravoslav kilsələrini ziyarət etmiş, burada gürcü-inqiloyların yerli icmalarının nümayəndələri tərəfindən hərarətlə qarşılanmış, həmçinin Kürmüx Müqəddəs Böyük Şəhid Georgiy kilsəsinə qalxıblar. Qum kəndində zəvvarlar Qafqaz Albaniyasının erkən orta əsrlərə aid məbəd memarlığı abidəsi ilə - V-VI əsrlərə aid üçnefli bazilika ilə tanış olublar. Tədqiqatçılar hesab edirlər ki, bu kilsə III Mömin Vaçaqan dövründə tikilib, onun hakimiyyəti dövründə Qafqaz Albaniyası özünün mənəvi çiçəklənmə dövrünü yaşayıb. Bazilikanın Müqəddəs Məryəmin Mövluduna həsr edildiyi barədə məlumatlar var.
Bazar günü, mayın 26-da zəvvarlar Qəbələ rayonunun Nic kəndindəki Müqəddəs Elişa kilsəsində alban-udi xristian icmasının dəvəti ilə keçirilən İlahi Liturgiyada iştirak ediblər. Xatirəsi həmin gün qeyd olunan Müqəddəs Elişa Həvari Taddayin şagirdi və Qafqaz Albaniyasında İncili ilk vəz edən idi. Cənubi Qafqazda bir çox kilsələr qədim zamanlardan bu müqəddəsə həsr olunurdu.
Zəvvar qrupunu səfərdə Bakı Yeparxiya İdarəsinin katibi, protoiyerey Dionisiy Sveçnikov və zəvvarlıq şöbəsinin əməkdaşları müşayiət ediblər. Azərbaycan Respublikası Dini Qurumlarla İş üzrə Dövlət Komitəsinin Oğuz və Qax regional bölmələrinin nümayəndələri ölkənin şimal-qərb bölgəsində xristian ziyarətgahlarının ziyarətinə hərtərəfli dəstək veriblər.
Bölmə üzrə Menyu
Bölmənin digər xəbərləri
29.12.2024
497Bakı həlak olan pilotlar və bort-bələdçi ilə vidalaşıb
Dekabrın 25-də Bakı-Qroznı reysini yerinə yetirərkən qəzaya uğrayan “Azərbaycan Hava Yolları”na məxsus təyyarənin ekipaj üzvlərinin Bakıda dəfn mərasimi keçirilib. Paytaxtın beynəlxalq hava limanında baş tutan vida
26.12.2024
453Dekabrın 26-sı Azərbaycanda matəm günü elan edilib
Dekabrın 25-də Qazaxıstanın Aktau şəhərində Bakı-Qroznı reysi ilə uçan sərnişin təyyarəsinin qəzaya uğraması ilə əlaqədar dekabrın 26-sı Azərbaycanda matəm günü elan edilib. Bakı yeparxiyası bu gün söylənilən
25.12.2024
429Bakı Yeparxiyasının Dini-Mədəni Mərkəzində kitabların təqdimatı keçirilib
Bakı Yeparxiyasının Pravoslav Dini-Mədəni Mərkəzində Xalqların Beynəlxalq Mənəvi Birliyi Fondunun nəşr etdiyi 12 kitabdan ibarət seriyanın təqdimatı olub. Çap nəşrlərini Fondun direktoru, Moskva Dövlət Universitetinin professoru
Populyar Xəbərlər
27.02.2026
98Yepiskop Aleksiy Ali-Mələk Mikayıl kilsədə Öncədən Təqdis olunmuş Ənamlar Liturgiyasını keçirib
Böyük Oruc dövrünün birinci həftəsinin cümə günü Bakı və Azərbaycan yepiskopu Aleksiy Bakı şəhəri Ali-Mələk Mikayıl kilsəsində Öncədən Təqdis olunmuş Ənamlar Liturgiyasını keçirdiyi. Yepiskopu ...
15.02.2026
77Yepiskop Aleksiy Bakı şəhəri Allahın Əqdəs Validəsinin Mövludu kilsəsinin böyük təqdisi Ayinini keçirib
15 fevral – Rəbbin Məbədə Gətirilməsi bayramı günü – Bakı şəhəri Allahın Əqdəs Validəsinin Mövludu kilsəsinin Böyük Təqdisi ayini keçirilib. Allahın Əqdəs Validəsinin Mövludu kilsəsi - Azərbaycanın ...
25.02.2026
57Yepiskop Aleksiy kafedral kilsədə Öncədən Təqdis olunmuş Ənamlar Liturgiyasını keçirib
Böyük Orucun birinci həftəsinin çərşənbə günündə Bakı və Azərbaycan yepiskopu Aleksiy Bakı şəhəri Müqəddəs Mürr-Daşıyan Zənənlər kafedral kilsəsində bu ilin ilk Öncədən Təqdis olunmuş Ənamlar Liturgiyasını ...





